د شپني خبرونه
له طلوع نیوز څخه په ګټې اخیستنې سره رامنځه ته شو
د لمر د ۷ بجو خبرونه، ۱۳۹۸ د وږي ۲۲مه نېټه
د امریکا او طالبانو ترمنځ د سولې خبرو اترو د ځنډېدو په لړ کې، ولسمشر غني وايي چې په یوې وروستۍ اوونۍ کې د هېواد په جګړو کې زر تنه طالبان وژل شوي او دوه زره تنه یې ټپيان شوي دي.
ښاغلي غني چې نن جمعه (د وږي په ۲۲مه) کابل کې یوې غونډه کې وینا کوله وویل چې د دغو طالبانو د وژل کېدو مسوولیت هم د طالب مشرانو په غاړه دی.
هغه په دې اړه زیاته کړه:«طالب جنګالیو ته زما پیغام دا دی، چې هغوی (طالب مشران) تاسو ته معاش نه درکوي، راشئ زه تاسو ته ... معاش درکوم.»