افغان حکومت د سولې ټول نه ګډونوالي په اړه د ملګرو ملتونو سازمان د اندېښنې په غبرګون کې وايي چې د دغه بهیر له جدي کېدو سره به د سولې خبرې ټول شموله شي.

د ولسمشر غني ویاند وايي چې افغان حکومت هڅه کوي چې له طالبانو سره مرکچي پلاوي ټول ګډونواله وي څو وکړای شي د سولې په خبرو کې د افغانستان له خلکو استازیتوب وکړي. 

د ولسمشر ویاند صدیق صدیقي زیاته کړه:«کله چې موږ اصلي مذاکراتو، مخامخ خبرو ته داخلېږو، افغان حکومت به دا بهیر ټول شموله کړي.»