د فیفا نړیوال فدراسیون د اخلاقو کمېټې سېشنبې(د مرغومې په ۲۵مه نېټه) په خپله اعلامیه کې ویلي دي چې دې فدراسیون د افغانستان د فټبال فدراسیون د مشر، کرام الدین کریم هغه غوښتنه چې رد کړې ده چې نوموړي پر خپلې دندې د ځنډېدو بندیز لیري کولو غوښتنه کړې وه.
پر کرام الدین کرایم د جنسي زورونې تور دی.
اعلامیه کې راغلي دي، دا چې پر ښاغلي کریم د جنسي زورونو د تورونو دوسیه نه ده تړل شوې او په دې برخه کې څېړنې دوام لري، نو له همدې کبله به د نوموړې دنده د ټاکل شویو ۹۰ ورځو پورې دوام وکړي.
د افغانستان د ښځينه فوټبال ملي لوبډلې پخوانی مشري، خالده پوپلزۍ د ګارډین ورځپاڼې په یوه راپور کې ویلي وو چې ښاغلي کریم د فوټبال ملي لوبډلې غړې زورولې دي او هغه یې پر جنسي زورونو تورن کړی وو.
په همدې حال کې لویه څارنوالي چې کابو دوې میاشتې کېږي په دې برخه کې یې څېړنې پیل کړې دي، تر اوسه یې د فټبال فدراسیون د رییس او څلورو نورو غړو دندې ځنډولې او هغوی یې ممنوعالخروج اعلان کړي دي.