د بوش بازار د کابل ښار د قوای مرکز په سیمه کې موقعیت لري او په دغه بازار کې د بهرنیو ځواکونو د اډو دویم لاس توکي پلورل کېږي، په دغه بازار کې نن ګهیځ اورلګېدنه شوې وه.
له دغې پېښې څخه دوه ساعته مخکې د پېښې شاهدان وايي چې اور وژونکي سیمې ته رارسېدلي او اور یې وژلی دی.
د بوش په بازار کې چې د کابل ښار په دویمه ناحیه کې موقعیت لري چې په هغه کې د برقي دستګاوو، جامو، سپورټي توکو، خوراکي توو په لسګونه هټۍ شتون لري.
دغه بازار په ۲۰۰۱ زیږدیز کال کې له هغې وروسته پرانستل شو چې د امریکا پخوانی ولسمشر
، جورج دبلیو بوش د طالبانو د ځپلو لپاره خپل پوځيان افغانستان ته واستول.
دغه بازار د دې لپاره د امریکا د پخواني ولسمشر په نوم ونومول شو، هغه توکي چې په دغه بازار کې پلورل کېږي په بهرنیو پوځیانو او یا هم د دغو ځواکونو په اډو پورې اړه لرله.