د افغانستان کریکټ ملي لوبډلې له ایرلنډ سره ټسټ لوبه د اوو ویکټو په توپیر وګټله.
دغه لوبه نن(دوشنبې د کب په ۲۷مه نېټه) د هند په دهرادون ښار په راجیو ګاندي کرکټ لوبغالي کې د افغانستان په کوربه توبه ترسره شوه.
په دې لوبه کې راشد خان ارمان،رحمت شاه زرمتي، احسان الله جنت، یمن احمدزي ښه لوبه وکړه او لوبه یې د معین وخت نه مخکې پای ته ورسوله.
دا په داسې حال کې ده چې افغانستان خپله لومړۍ تسټ لوبه له هند سره کړې وه او ورته یې بایللې وه.
د ایرلنډ پر وړاندې د افغانستان په ټیسټ لوبډله کې اصغر افغان (لوبډلمشر) محمد شهزاد (ویکټ ساتونکی) احسان الله جنت، جاوید احمدی، رحمت شاه، ناصر جمال، حشمت الله شهیدي، اکرام علي خېل (ویکټ ساتونکی) ، محمد نبي، راشدخان، وفادار مومند، یمین احمدزی، شرف الدین اشرف، وقار سلامخېل، ظاهرخان او سید شېرزاد شامل وو.