د افغانستان کرېکټ د نولس کلونو ملي لوبډله د نړیوال جام سیالیو په لومړی لوبه کې سبا به د پاکستان پر وړاندې د لوبې ډګر ته لاړه شي.
دا په داسي حال کې ده چې په هېواد کې د ۱۹ کلنو ملي لوبډله کابو یوه میاشت وړاندې نیوزرلنډ ته لیېږل شوی ده.
د افغانستان د تنکیو ځوانانو د کرېکټ ملي لوبډله سبا د افغانستان په وخت د سهار پر دوه نیمو بجو د نړیوال جام سیالیو په ترڅ کې خپله لومړنې لوبه له پاکستان سره کوي.
دا په داسې حال کې ده چې د هېواد ملي لوبغاړو په تمریني لوبه کې بنګهدېش لوبډلې ته د شپږ پنځوس منډو په توپير سره ماتې ورکړې وه او ویل کېږي نړیوالو لوبو ته پوره چمتوالی لري.
اخوا د هېواد د تنکیو ځوانانو د کرکټ ملي لوبډلې د اسیا جام په ترڅ کې د پاکستان لوبډلې په ماتولو سره د دغو سیالیو اتلولي ګټلې وه.