د هېواد د ټکواندو د ملي لوبډلې لوبغاړي نثاراحمد عبدالرحیمزي د خپل مصري سیال په وړاندې له بریا او په نیمه پای لوبه کې د خپل ایراني سیال په وړاندې له ماتې وروسته د نړۍ د ځوانانو په اولمپیک لوبو کې د برنزو مډال ترلاسه کړه.
په دغو لوبو کې د نړۍ له ۲۰۶ هېوادونو څخه کابو څلور زره لوبغاړو په ۳۲ سپورټي څانګو کې ګډون کړی دی.
له افغانستان څخه درې لوبغاړو د ټکواندو، اټلټیک او بوکس په څانګو کې په دغو لوبو کې ګډون کړی دی.
نثار د هېواد د سپورټ په تاریخ کې لومړنی لوبغاړی دی چې توانېدلی د دغو لوبو په چوکاټ کې د افغانستان لپاره د برنزو مډال ترلاسه کړي.