د هېواد کرکټ ملي لوبډله نن ماښام(یکشنبې د غبرګولي۱۳مه) د هند دهرادون ښار د راجیف ګاندي لوبغالي کې د بنګلهدیش پر وړاندې ۲۰ اوریزه لوبه کوي.
ده په داسې حال کې ده چې د افغانستان کرکټ ملي لوبډله له کابو یوې نیمې میاشتې راهیسې په هند کې ده او لوبډل مشر، اصغر ستانکزي تېره ورځ د دې لوبو لپاره د پوره چمتووالي خبر ورکړ.
ښاغلي ستانکزي وویل:«د کرکـټ لوبه د لوبډلې سره ترسره کېږي، موږ یوه او دوو لوبغاړو ته نه بلکې د بنګله دیش ټولې لوبډلې ته مو چمتووالی نیولی دی.»
د بنګله دیش کرکټ لوبډل مشر، شکیبالحسن په دې اړه وویل:«د افغانستان کرکټ ملي لوبډله د ستاینې وړ ده او د راشد په څېر لوبغاړی چې د نړۍ کرکت غوره توپ اچوونکی دی، دا ښکارندويي کوي.»
ټاکل شوې ده چې افغانستان د روانې زیږدېزې میاشتې په پنځ او اوومې باندې هم له بنګلهدیش سره دوې نورې ۲۰ اوریزې لوبې ولري او وروسته له د هند سره د ټسټ لوبې لپاره بنګلور ته ولاړه شي.