د هېواد د کرېکټ ملي لوبډلې، د شنبې په ورځ (د وږي په ۲۳مه) وتوانېده چې د افغانستان، بنګلهدېش او زېمبابوې ترمنځ د درې اړخیزې لوبلړۍ لومړۍ لوبه د ۲۸ په توپير له زېمبابوې څخه وګټي.
په دغې لوبه کې د توپوهنې په برخه کې افغان لوبډله ښه وځلېده او وتوانېده چې په ۲۰ اورونو کې د پنځو لوبغاړو په سوځېدو سره ۱۹۷ منډې جوړې کړي.
د توپوهنې په برخه کې نجیبالله ځدران ښه وځلېد او وتوانېد چې ۶۹ منډې جوړې کړي.
په مقابل کې د توپ اچونې په برخه کې د سیالې لوبډلې لپاره چتارا ښه وځلېد او په دې بریالی شو چې خپل دوه سیالان له لوبې بهر کړي.
خو د زېمبابوې لوبغاړو د توپوهنې په برخه کې لوبه ښه پیل نه کړه او ونه توانېده چې ورکړل شوی هدف پوره کړي او لوبه یې د ۲۸ منډو په توپیر افغان لوبغاړو ته وبایلله.
د توپ وهنې په برخه کې د زېمبابوې لپاره چیکابویا ښه وځلېد او ۴۲ منډې یې جوړې کړې.
په مقابل کې افغان لوبډلمشر راشدخان وړتیا وښوده او پ دې بریالی شو چې د سیالې لوبډلې دوه لوبغاړي له ډګره بهر کړي.
د دغې لوبې په پای کې نجیبالله ځدران د توپوهنې په برخه کې د ښه ځلېدو امله د لوبې غوره لوبغاړی اعلان شو.
په دې اړه مو اندونه