ریال ماډریډ د اماراتو العین لوبډلې په وړاندې د نړۍ کلپونو جام اتلولي خپله کړه.
د العین او ریال ماډریډ لوبډلو لوبه د شنبې پر شپه د ابوظبۍ په زاید لوبغالي کې ترسره شوه او ریال ماډریډ څلور پر یوه العین لوبډلې ته ماتې ورکړه.
لوکا مودریچ په لومړۍ نیمايي کې د ریال لپاره لومړنۍ ګول وواهه او مارکوس یورنټه د لوبې په ۶۰ مې دقیقې کې دویم ګول ترسره کړل.
د دغې لوبې درېیم ګول بیا راموس د ریال ماډریډ اسپانوي مدافع د لوبې په ۷۹ دقیقې کې وواهه.
د لوبې په اوږدو کې، د العین لوبغاړو هڅه وکړه خو وتوانېدل چې یوازې یو ګول ووهي. د لوبې په وروستیو شېبو کې د العین لوبغاړي په تېروتنې سره په خپله دروازه ګول وواهه، په دې ترتطب سره ریال ماډریډ څلور پر یوه العین ته ماتې ورکړه او اتلولي یې خپله کړه.