په روسیه کې د ۲۰۱۸ کال د فوټبال نړیوال جام سیالیو په لړ کې د چهار شنبې په ورځ درې لوبې وشوې، چې لومړنۍ لوبه د پرتګال او مراکش د لوبډلو ترمنځ وه چې په پایله کې پرتګال یو د صفر په وړاندې مراکش ته ماتې ورکړه.
د لوبې یوازینی ګول د پرتګالي لوبغاړي کرستیانو رونالدو لخوا ترسره شو.
دویمه لوبه د یورګوایي او سعودي عربستان لوبډلو ترمنځ ترسره شوه چې یورګوایي ۱ د صفر په وړاندې سعودي ته ماتې ورکړه.
او په درېیمه لوبه کې اسپانیا یو د سفر په وړاندې ایران ته ماتې ورکړه.
ټاکل شوې ده چې د دغو سیالیو په لړ کې نن هم درې نورې لوبې ترسره کېږي چې لومړۍ به یې د ډنمارک اواسټرالیا، دویمه د فرانسې او پېرو او درېیمه هغه د ارجنټاین او کرواسیا ترمنځ وي.