د جرمني پولیسو یو افغان توکمه المانی ایران ته د جاسوسي په تور نیولی دی.
د راپورونو پر بنسټ نیول شوی کس ۵۰ کاله عمر لري او په افغانستان کې یې د جرمني سرتېرو د عملیاتو په اړه معلوماتو ته لاسرسی درلود. ویل شوي چې یاد کس ورسره مالومات د ایران له استخباراتو سره شریک کړي دي.
د نیول شوي کس نوم عبدالحمید ښودل شوی دی.
بل خوا ایران د جاسوسي عملیاتو په تور د اروپايي ټولنې تر بندېزونو لاندې راغلی دی.
خو ایران د اروپا په وړاندې د جاسوسۍ تورونه رد کړي دي.
جرمني په افغانستان کې ۱۳۰۰ سرتیري لري او روان ماموریت یې تر درې میاشتو پورې ختمېږي.