د ایران سپاه پاسدارن دقدس څانګې قومندان، قاسم سلیماني وایي چې تهران به په اوسنیوحالاتو کې له واشنګټن سره خبرې ونکړي.
قاسم سلیماني وایي چې په اوسنیو حالاتو کط له امریکا متحده ایالاتونو سره خبرې کول د تسلمي په معنا دي.
دی وايي امریکا پر ایران د فشار راوړلو سره تهران اړ کړي چې له دې واشنګټن سره خبرې وکړي.
سلیماني وړاندې وايي:«دښمن غواړي له فشارونو سره موږ د خبرو مېز ته وکاږي، او دا د تسلیمۍ په مانا ده. خو زموږ خلک هوښیار دي او په اوسنیو شرایطو کې خبرې تسلېدل دي او موږ به دې ذلت ته تن ورنکړو.»
دغه خبرې د ایران د بهرنیو چارو وزیر له هغوڅرګندونو ورسته کیږي چې ویلي وو چې ځیني هیوادونه هڅه کوي امریکا له ایران سره جګړه وکړي.
جواد ظریف ويلي وو:«ولسمشر ټرمپ ځکه د هستوي هوکړې پرته له لوستو بهر شو چې ولسمشر اوباما یې خوښ نه وو. وروسته د ایران خلک پوه شول چې خبرې ګټه نلري. دا یوازې بد پیغام دی چې د ایران خلکو ته یې استوي بلکې ټولې نړۍ ته دا پیغام استوي چې باید د امریکا د ولسمشر په لاسلیک باور ونشي.»
له بلې خوا د امریکا متحده ایالاتو د امنیت آمر له فاکس نیوز سره په خبرو کې په ایران کې د نظام پر بدلون ټينګار کړی دی.
هغه ویلي چې د ایران خلک د بوه بل حکومت وړ دي.