وروستي خبرونه
تصویر بندانگشتی
افغانستان

اسدالله خالد: حکومت په هېواد کې قومي تفرقې ته لمن وهي

ښاغلي خالد چې د خوست ولایت اوسېدونکو ته وینا کوله، د هېوادوالو د امنیت او دندې لپاره د حکومت په بې پروګرامۍ یې سخته نیوکه وکړه.

د ملي امنیت پخوانی رییس د ملي یووالي حکومت په هېواد کې قومي تفرقې ته پر لمن وهلو تورنوي او وايي چې د حکومت مشران له دې کار سره، په حکومت کې د خپل پایښت لپاره هڅه کوي.

ښاغلي خالد چې په دې وروستیو کې د «امید صبا» په نامه سیاسي جریان رامنځته کړی او خپلې دا ویناوې یې نن (جمعه د زمري په ۲۶ مه) په خوست ولایت کې څرګندې کړې.

ښاغلي خالد چې د خوست ولایت اوسېدونکو ته وینا کوله، د هېوادوالو د امنیت او دندې لپاره د حکومت په بې پروګرامۍ یې سخته نیوکه وکړه.

د امید صبا سیاسي بهیر مشر وايي چې د هېواد د کړکېچ یوازینۍ حل لاره، د ټاکنو ترسره کول دي – هغه ټاکنې چې د هغه په باور باید رڼې او عادلانه ترسره شي.

ښاغلي خالد له طالبانو سره د سولې خبرو اترو د څرنګوالي په اړه خبرې وکړې او وې ویل چې خلک له سولې ملاتړ کوي خو په دې شرط چې د خلکو عزت په هغه کې تر پښو لاندې نه شي.

هغه زیاته کړه:«دغه هېواد سوله غواړي. زه او تاسې او ټول باعزته سوله غواړو. په سلګونه تنه خلک تېره جمعه شهیدان شول. نه حکومت د اوربند له څرنګوالي خبر دی او نه په دې اړه له خلکو سره سلا مشوره شوې چې ایا خلک همغږي دي که نه.»

اسدالله خالد، د خپلو ویناوو په بله برخه کې وویل چې امنیتي ځواکونو ته د ناسمو مالوماتو د رسېدو له امله، د غزني ښار ځینې برخې د طالبانو لاس ته ورغلې. د هغه په باور، که‎چېرې وضعیت په همدې ډول دوام پیدا کړي او حکومت خپلو پلانونو ته غور ونه کړي، د کړکېچ لمن به پراخه شي.

افغانستان

اسدالله خالد: حکومت په هېواد کې قومي تفرقې ته لمن وهي

ښاغلي خالد چې د خوست ولایت اوسېدونکو ته وینا کوله، د هېوادوالو د امنیت او دندې لپاره د حکومت په بې پروګرامۍ یې سخته نیوکه وکړه.

تصویر بندانگشتی

د ملي امنیت پخوانی رییس د ملي یووالي حکومت په هېواد کې قومي تفرقې ته پر لمن وهلو تورنوي او وايي چې د حکومت مشران له دې کار سره، په حکومت کې د خپل پایښت لپاره هڅه کوي.

ښاغلي خالد چې په دې وروستیو کې د «امید صبا» په نامه سیاسي جریان رامنځته کړی او خپلې دا ویناوې یې نن (جمعه د زمري په ۲۶ مه) په خوست ولایت کې څرګندې کړې.

ښاغلي خالد چې د خوست ولایت اوسېدونکو ته وینا کوله، د هېوادوالو د امنیت او دندې لپاره د حکومت په بې پروګرامۍ یې سخته نیوکه وکړه.

د امید صبا سیاسي بهیر مشر وايي چې د هېواد د کړکېچ یوازینۍ حل لاره، د ټاکنو ترسره کول دي – هغه ټاکنې چې د هغه په باور باید رڼې او عادلانه ترسره شي.

ښاغلي خالد له طالبانو سره د سولې خبرو اترو د څرنګوالي په اړه خبرې وکړې او وې ویل چې خلک له سولې ملاتړ کوي خو په دې شرط چې د خلکو عزت په هغه کې تر پښو لاندې نه شي.

هغه زیاته کړه:«دغه هېواد سوله غواړي. زه او تاسې او ټول باعزته سوله غواړو. په سلګونه تنه خلک تېره جمعه شهیدان شول. نه حکومت د اوربند له څرنګوالي خبر دی او نه په دې اړه له خلکو سره سلا مشوره شوې چې ایا خلک همغږي دي که نه.»

اسدالله خالد، د خپلو ویناوو په بله برخه کې وویل چې امنیتي ځواکونو ته د ناسمو مالوماتو د رسېدو له امله، د غزني ښار ځینې برخې د طالبانو لاس ته ورغلې. د هغه په باور، که‎چېرې وضعیت په همدې ډول دوام پیدا کړي او حکومت خپلو پلانونو ته غور ونه کړي، د کړکېچ لمن به پراخه شي.

شریک یي کړئ