د «فرسټ ګلوبل» د خبرپاڼې پر بنسټ اوس د افغان روباټ جوړونکو نجونو ډله هم د نړۍ د ۱۶۰ هېوادونو د ډلو ترڅنګ د جولای له ۱۶ تر ۱۸ مه په واشنګټن کې د روباټ په نړیوالو سیالیو کې به حضور ولري.او هغه روباټ یې چې جوړ کړی نندارې ته به یې کېږي.
دغو نجونو ویلي چې د دغو روباټ په جوړولو سره هغوی هڅه کړې چې نړیوالو ته وښيي چې د افغانستان پېغلې هم په عملي برخه کې د پرمختګ توان لري.
د افغانستان د روباټ جوړونکې ډله له ۶ غړو جوړه او له څو مودې راهیسې په هرات ولایت کې د روباټ جوړولو په روزنې بوخت دي.
له دې وړاندې د امریکا د کانګریس کابو ۵۳ غړو هم په یوه بې ساري ګام کې له دغو افغان نجونو د ملاتړ په اعلانولو سره د امریکا د بهرنیو چارو وزارت ته د یوه لیک په لېږلو سره ویلي دي چې دغه نجونې د امریکا امنیت نه ګواښي او دغو نجونو ته د ویزې د نه ورکولو لپاره هېڅ دلیل نشته.
اخوا څو نړیوالو بنسټونو په ټولنیزو شبکو کې د دغو نجونو د ملاتړ لپاره د لاسلیکونو د راغونډولو لپاره پروګرام پېل کړی دی.
د هغه بنسټ مشري چې د روباټونو په برخه کې دغو نجونو ته زده کړه ورکوي د افغانستان د ځوانو مشرانو د ډلې د یوې غړې رویا محبوب له خوا کېږي؛ دغه بنسټ له دوو کلونو راهیسې په بېلابېلو برخو په تېره بیا د روباټونو په برخه کې یو شمېر نجونو ته زده کړه ورکوي .