د هېواد ملي دفاع وزارت خپره شوې خبرپاڼه د افغان ځواکونو بېلابېلو پوځي عملیاتو کې د کابو ۱۱ترهګرو له وژل کېدو خبر ورکوي.
د یاد وزارت خبرپاڼه ې راغلي دي چې دا پوځي عملیات په زابل او میدان وردګو ولایتونو کې ترسره شوي دي.
همداراز په دې عملیاتو کې د دوو وسلهوالو له ټپي کېدو هم خبر ورکړل شوی دی.
لومړي عملیات د میدان وردګو ولایت په جلریز ولسوالۍ کې شوي چې په پایله کې یې څلور ترهګر وژل شوي او دوه نور ټپیان دي.
په دې ترڅ کې د وسلهوالو لس موټرسایکلونه هم له منځ وړل شوي دي.
دفاع وزارت خبرپاڼه کې همداراز راغلي چې دوهم پوځي عملیات د زابل ولایت په ارغنداب ولسوالۍ کې شوي چې په پایله کې یې ۷تنه ترهګر وژل شوي دي.
خبرپاڼې د پوځي عملیاتو په اړه جزئیات نه دي خپاره کړي.