د ایران د بهرنیو چارو وزیر محمد جواد ظریف په سیمه کې د امریکا تړونوال د ترهګرو ډلو لکه طالبانو، داعش او القاعدې په مالي او پوځي ملاتړ تورن وي او وايي چې ایران د دغو ډلو په وړاندې مبارزه کوي.
هغه په یوه ویډیويي پیغام کې چې د پنجشنبې په ورځ خپور شوی ویلي:«د دې نه هېردونکې تجربې سره بېره، تراوسه هم له هغو لګښتونو څخه چې د سعودي عربستان، او عربي متحده اماراتو په څېر هېوادونه یې لګوي او مصروف وي او زموږ توغندي هم د سعودي عربستان په پرتله لنډ واټن په نښه کولای شي.»
هغه زیاته کړه:«او په سیمه کې د امریکا د تړونوالو پر خلاف چې د القاعدې، طالبانو او داعش په څېر ترهګرو ډلو ماغزه مینځي، مالي او پوځي مرستې ورسره کوي، موږ د دغو ډلو افراطي ډلو په ماته کې بنسټیزه ونډه لرلې ده.»
ښاغلي ظریف همدارنګه د امریکا د ولسمشر ډونلډ ټرمپ د ګواښ په اړه چې ګواکې له اټومي هوکړې به یې بهیر کړي نیوکه وکړه او وې ویل چې ایران په دې اړه بیا خبرې اترې نه کوي.
پنځه دقیقهيي ویډیويي پیغام، ښاغلی ظریف د کاري مېز تر شاه ښکاره کوي.
ښاغلي ظریف د مثالونو په راوړلو سره د ټرمپ خبرې هم نقد کړې.
دا په داسې حال کې ده چې په افغانستان کې د ایران سفیر، ادعا کوي چې افغانستان ته د داعش ډلې د لېږد د څرنګوالي په اړه یې افغان حکومت ته مالومات سپارلي دي.
په کابل کې د ایران سفیر رضا بهرامي، کهڅه هم روښانه نه کړه چې دا ډله د چا له خوا افغانستان ته لېږدول شوې خو هغه وايي چې په افغانستان کې د داعش ډلې د فعالیت پراختیا د ایران او افغانستان یوه ګډه اندېښنه ده.
هغه په دې اړه زیاته کړه:« د څرګند او پټو مالوماتو یوه برخه مو د امنیتي سرویس په واسطه له نورو سیمو افغانستان ته د داعش ډلې د ځينو غړو د لېږد د څرنګوالي په اړه افغان امنیتي سیسټومونو ته مو ورکړې.»