د ننګرهار ولایت په مرکز جلال آباد ښار کې چاودنې د درېیو کسانو ژوند اخیستی.
په برید کې ټول زیانمن ملکي کسان دي.
دا چاودنه نن(سېشنبې د کب لومړۍ) د جلال آباد ښار دوهمې حوزې د لغمان اډې په سیمه کې ترسره شوې ده.
سرچینې وايي چې په دې چاودنه کې یوشمېر کسان ټپیان دي، خو د کره شمېر په اړه یې تر اوسه مالومات نشته.
د چاودنې څرنګوالي په اړه تر اوسه څه نه دي ویل شوي.
د برید موخه نه ده څرګنده.
د برید مسوؤلیت تر اوسه چا پر غاړه نه دی اخیستی.