د داعش له لورې نن( دوشنبې د زمري۲۴مه) په خپره شوې خبرپاڼه کې د سرپل ولایت په میرزا اولنګ دره کې د ملکی کسانو د وژنو مسوؤلیت پرغاړه اخیستی دی.
دا خبرپاڼه چې په عربي ژبه لیکل شوې ده په کې راغلي، د دوی جنګیالي د سرپل په میرزاو لنګ دره کې ۵۴ کسان وژلي دي.
مخکې له دې د سیمې خلکو ویلي وو چې پر درې بریدکوونکو تور او سپین بیرغونه درلودل.
دا په داسې حال کې ده د سرپل ولایت چارواکو د صیاد ولسوالۍ د میرزا اولنګ د نیونې او وسلهوالو ته د درنې مرګ ژوبلې اړولو خبر ورکړ.
د سرپل ولایت سیمهييز چارواکي وايي چې د یاد ولایت میرزا اولنګ دره دوشنبې ماښام( د زمري۲۳مه) د افغان ځواکونو لخوا نیول شوې او ترهګرو ته درنه مرګ ژوبله اوښتې ده.