د تخار پولیسو د یکشبنې په ورځ د دې پخلی کړی چې د دغه ولایت د عامه نظم قومندان تاووس شاه د طالبانو په یوه کمین کې وژل شوی دی.
د تخار امنیه قومندان عبدالبشیر رشید وايي چې دا پېښه د یکشنبې پر سهار هغه مهال رامنځته شوه چې تاووس شاه له تخار څخه د کندوز په لور روان وو، چې د کندوز په چهارتوت سیمه کې د طالبانو پر کمین برابر شو چې په پایله کې یې هغه او دوه ساتونکي یې ووژل شو.
طالبانو تراوسه په دې اړه څه نه دي ویلي.