کابل کې د حج او اقافو وزارت د کارکوونکو پر سورلۍ موتر چاودنه وشوه.
دغه چاودنه نن سهار (دوشنبې د غبرګولي په ۶مه نېټه) کابو ۰۷:۴۵ د کابل ښار په دوهمه ناحیه کې د برکي برک په سیمه کې شوې ده.
د کورنیو چارو وزارت ویاند، نصرت رحیمي وايي چاودنه د حج او اوقافو وزارت د سورلیو پر کاسټر موټر د مقناطیسي ماین د چاودنې له کبله شوې.
نوموړي په پېښه کې د لسو کسانو ټپي کېدل تاییدوي.
د چاودنې مسوولیت په اړه چا څه نه دي ويلي.