د ننګرهار د مومندرې ولسوالۍ په یوه جومات کې د چاودنې په پایله کې یو تن وژل شوی او ۸ تنه نور ټپيان شوي دي.
د دغه ولایت ځايي چارواکي وايي چې دغه چاودنه د سلطان خېلو جومات په منبر کې د ځای پر ځای شوي ماین له امله وه.
د ننګرهار د والي د رسنیو د دفتر په وینا، دغه چاودنه هغه مهال وشوه چې لمونځ کوونکي د جمعې لمانځه پر ادا کولو بوخت وو.
د دغه دفتر همدارنګه زیاته کړې چې د دغې پېښې ټپيان روغتون ته لېږدول شوي او روغتیايي وضعیت یې د اندېښنې وکړ نه دی.
تراوسه هېڅ ډلې د دغې پېښې پړه نه ده منلې.
دا په داسې حال کې ده چې تېره اوونۍ هم ننګرهار د څو چاودنو او یوه ځانمرګي برید شاهد وه.