د پکتیکا ولایتي شورا د دې ولایت په ولسوالیو کې د افغان ځواکونو درنې مرګ ژوبلې خبر ورکوي، دوی وايي چې د طالبانو سره په نښته کې ۲۷ افغان سرتېرو ژوند له لاسه ورکړی دی.
د ولایتي شورا منشي، عبدالجلیل خروټی نن(دوشنې د زمري لومړۍ وویل) چې د پکتیا په څو ولسوالیو کې د طالبانو او افغان ځواکونو ترمنځ نښتې روانې دي.
ښاغلی خروټی زیاتوي چې تر اوسه درې پوستې د طالبانو لخوا نسکورې شوې دي.
د ولایتي شورا منشي وړاندي وايي:«په اورګون ولسوالۍ کې ۸ سرحدي او دوه محلي پوليس د طالبانو په کمين کې وژل شوي دي ترڅنګ وړممۍ , وازې خوا ولسواليو کې پر امنيتي پوستو جګړه روانه ده خو که مرسته پر وخت ونه رسيږي يو شمير ولسوالۍ د سقوط سره مخامخ دي.»
په همدې حال کې د پکتيکا امنيه قومندان د تلفاتو په اړه د معلوماتو د ورکړې څخه ډډه کوي.