د هېواد په سویل کې د پوځ چارواکي د طالبانو له یوه بنده د ۲۸ تنو بندیانو له خوشې کولو خبر ورکوی.
دغه بندیان د زابل ولایت په نوبهار ولسوالۍ کې له طالبانو سره ساتل کېدل.
د هېواد سویل کې د پوځ د ځانګړو ځواکونو د څلورمې لوا قوماندان، جنرال صمد(پنج شنبې د غبرګولي په ۹مه نېټه) وايي یاد شمېر بندیان د افغان ځانګړو ځواکونو په پوځي عملیاتو کې خوشې شوې دي.
دی وړاندې وايي، په ازاد شویو کې ۱۰ تنه ولسي وګړي دي او پاتې نور افغان پوځیان دي.