د ملي امنیت ریاست د رسنیو دفتر د خبرپاڼې په خپرولو سره نن(یکشنبې د غبرګولي۶مه) وايي چې د دې ریاست په پوځي عملیاتو کې ۱۵ طالب وسلهوال په فراه ولایت کې وژل شوي دي.
خبرپاڼه زیاتوي چې د ملي امنیت ځواکونو په پوځي عملیاتو کې چې په فراه رود ولسوالۍ کې ترسره شول، د طالبانو یو شمېر پټنځایونه هم له منځه وړل شوي دي.
خبرپاڼه وړاندې وايي چې دا عملیات په داسې حال کې ترسره شول چې د خاک سفید لپاره د طالبانو نومول شوي ولسوال، ملا عبدالباری په مشرۍ او حاجي عبدلرووف په قومندانۍ سل کسیزې د طالبانو ډلې د یوشمېر یرغلییزو بریدونو چمتووالۍ نیولو.
خبرپاڼې ویلي دي چې د طالبانو دا عملیات شنډ شوي دي او د طالبانو یوه د وسلو زېرمه، یو زندان او د یوې محکمې ودانۍ هم له منځه وړل شوې ده.