الماني چارواکو د چهارشنبې په ورځ (د وږي په ۲۲ مه)وویل چې دغو ۸ کسانو جرمي مخینه لرله او لږ تر لږه د هغوی دوه تنه په جنسي تېري تورن دي.
د المان د کورنیو چارو وزیر توماس ډي مایزیر، د دغو ۸ تنو له یستلو څخه وروسته وویل چې هغوی «جدي جرمونه» ترسره کړي وو.
په کابل کې د المان سفارت په وړاندې د مې په ۳۱ له چاودنې څخه وروسته چې له المان څخه د افغان پناه غوښتونکو د وتلو بهیر ودرلو شو، دا لومړی ځل دی چې المان افغان کډوال له دغه هېواد څخه بهر کوي.