د پروان ولایت امنیتي چارواکي نن)دوشنبې د وري۲۰مه) تائيه کړه چې د دې ولایت په بګرام ولسوالۍ کې د وسلهوالې نښتې په ترڅ کې یو تن وژل شوی او بل ټپي دی.
د پروان ولایت د امنیه قومندانۍ د جنايي جرمونو سره د مبارزې مدیر، فرهاد هاشم د پېښې لامل د ځمکې پر سر تر لفظي شخړې وروسته رامنځته شوې ده.
دی زیاتوي چې یاده شخره تېره ورځ یک شنبې د بګرام ولسوالۍ په قلندر خېلو کلي کې شوې ده.
ښاغلی هاشمي وايي چې د پېښې قربانیان بزګر دي او پولیسو د پېښې په تړاو یو تن نیولی دی.
دا په داسې حال کې ده چې څو ورځې مخکې هم د دې ولایت د سیدخېلو ولسوالۍ سلګونو تنو اوسېدونکو د اوبو کمښت له کبله لاریون کړی وه.