د کندهار ولایت امنیتي چارواکي په دې ولایت کې د ماین چاودنې له کبله د ۶ کسانو له وژل کېدو خبر ورکوی.
دا چارواکي نن(سېشنبې د غبرګولي په ۲۱مه نېټه) وايي پېښه سهار کابو نهه بجې شوې ده.
پېښه په ډنډ ولسوالۍ کې هغه مهال رامنځته شوې ده چې د ملکي کسانو یو موټر د سرک غاړې له ماین سره برابر شوی دی.
د کندهار ولایت پولیس وايي په پېښه کې دوې ښځې، دوه ځوانان او دوه ماشومان وژل شوي دي.
د ماین اېښودنې مسوولیت په تړاو څه نه دي ویل شوي.