د کندهار امنیه قومندان، جنرال عبدالرازق ادعا کوي چې له افغان ځواکونو سره په نښتو کې ۱۶ طالب وسلهوال وژل شوي دي.
دی زیاتوي یاد شمېر طالبان د کندهار ولایت شورابک ولسوالۍ کې تېره شپه(سېشنبې د وږي۲۷مه) وژل شوي او ۱۴ نور ټپیان دي.
د ښاغلي رازق په وینا، طالبانو تېره شپه د سرحدي ځواکونو پر پنځم کنډک برید کړی وو او تر سهاره له افغان ځواکونو سره په نښته بوخت وو.
د کندهار امنیه قومندان وړاندې وايي په نښته کې دوه سرحدي سرتېري ټپیان دي.
خو یوې امنیتي سرچینې ویلي دي چې په دغه نښته کې څلورو سرتېرو ژوند له لاسه ورکړی او پنځه نور ټپیان شوي دي
طالبانو د نښتو په اړه څه نه دي ویلي.