نن شنبې (د غوايي په ۲۱مه) د پامیر ۲۰ فرقه په یوې خبرپاڼه کې کندوز ولایت کې د طالبانو له بنده د ۱۰ ولسي وګړو د خلاصون خبر ورکړ.
په دغې خبرپاڼه کې راغلي دي چې دغه ولسي وګړي د کندوز ولایت په چهار درې ولسوالۍ کې د طالبانو په یوه زندان کې بندیان وو، چې د امنیتي ځواکونو د پوځي عملیاتو په لړ کې ازاد کړل شول.
خبرپاڼه همدارنګه زیاتوي چې په دغو عملیاتو کې ۱۰ طالب جنګیالي هم وژل شوي او ۱۵ تنه نور یې ټپیان دي.
خبرپاڼې د عملیاتو د څرنګوالي او د پوځيان د مرګ ژوبلې په دې اړه څه نه دي ویلي.
بلخوا طالبانو هم تراوسه په دې اړه څه نه دي ویلي.