د دوشنبې په شپه د هرات په سینمایي چوک کې د ځوانانو یوه ډلګۍ سره راغونډ شوي وو او په ښادیو سره یې د ټاپي پروژې د پرانیستې د نېږدې کېدو په ویاړ جشن جوړ کړ.
ځينې ځوانان په سړه شپه کې د واټ تهڅېرمه یوه کنسرټ د دې په هیله جوړ کړ او په نڅا یې لاس پورې کړ چې د ټاپي پروپې له پرانیستو سره به د دوی په ژوند کې هم بدلون راشي.
یو له دغو ځواکونو جمعه ګل تیموري په دې اړه وايي:«موږ منو چې په اوسنیو شرایطو کې هېواد ناامنه دی، خو دا باید د دې لامل نهشي چې موږ د زیربنايي پروژې لمانځنه ونه کړو.»
دغه ځوانان له حکومت ته تمه لري چې په هرات ولایت کې د ټاپي پروژې د پلي کولو له مخې وزګارتیا ته د پای ټکی کېږدي.
دوی وايي اوسمهال وزګارتیا، وسلهوالې غلاوې، وژنې د هرات امنیت ګواښي.
د هرات اوسېدونکي جمشید فروغ په دې اړه وویل:«هیله لرو چې ټاپي پروژه د هغه د ګټو ترڅنګ، د هېوادونو ترمنځ د اړیکو د ښهوالي لامل هم شي.»
خو کنسرت له نیم ساعت ډېر دوام نه کوي او په دغې موده کې د امنیتي ځواکونو لخوا يي امنیت په جدي توګه نیول شوی وه ځکه په هرات کې داسې ډلې شته چې د دغو پروګرامونو مخالفې دي.
په هرات ولایت کې د دغسې جشنونو جوړول ډېر معمولي نهدي له دې مخکې څو سندرغاړو ته ګواښ شوی وو چې دغسې کنسرټونه جوړ نه کړي.
داسې ښکاري چې د دغه کنسرټ په جوړېدو سره حکومت او وسلهوالو مخالفینو ته داسې پيغام ورکول کېږي چې د ټاپي پروژې په پيلي کولو سره باید په هرات کې د ځوانانو په ژوند کې بدلون راشي او پراختیايي چارې دې چټکې شي.