د ټاکنو خپلواک کمېسیون رییس ګلاجان عبدالبدیع صیاد نن ماښام (دوشنبې د مرغومې په ۲۴ مه) کابل کې په یوې خبرې ناسته کې د کابل حوزې د ولسي جرګې د ټاکنو لومړنیو پایلو ګټوونکي نوماندان اعلان کړل.
د ټاکنو خپلواک کمېسیون د کابل د ولسي جرګې په ټاکنو کې ۲۴ نرینه نوماندان او ۹ ښځينه نوماندانې د ګټوونکو په توګه اعلان کړل.
چې نرینه یې دي، اجمل رحماني، عبدالقیوم خیر خواه، فدا محمد الفت صالح، جاوید جیحون، رمضان بشر دوست، خان اغا رضایي، امیرګل شاهین، غلام حسن ناصري، محمد جان احمدي، الله گل مجاهد، امان الله ګذر، سید محمد محمدي، خان محمد وردګ، میر افغان صافي، اجمل ګلاب، احمد ضیا عظیمي شینوزاده، عبید الله کلیمزی وردګ، توفیق وحدت، حفیظ الله جلیلي، محمد فرهاد صدیقي، انور خان اوریاخېل، حاجی زړګی حبیبي، حبیب الرحمن سیاف، نجیب الله ناصر دي.
ښځینه ګټوونکې نوماندانې دي: وکیل فاطمه نظري، مرسل نبي زاده، شینکۍ کړوخېل، روبینا جلالي، فوزیه ناصریار، مریم سما، سلیمه نیکبین، زهره نوروزۍ او نظیفه ذکي دي.
همداراز د ټاکنو خپلواک کمېسیون شاه وزیر تره خېل، حبیب الرحمان افغان، میرویس حسین خېل، لونګ، فیروز صافی، رسول خان کوچی، حمیده احمدزۍ، مریم سلیمان خېل او فرزانه کوچۍ د کوچیانو حوزې د ګټوونکو په توګه اعلان کړل.