د شپني خبرونه
له طلوع نیوز څخه په ګټې اخیستنې سره رامنځه ته شو
د لمر د ۷ بجو خبرونه، ۱۳۹۷ د کب ۱۷ مه نېټه
د طالبانو او امریکا ترمنځ د مستقیمو خبرو اترو پنځم پړاو دولسمې ورځې ته ورسېد او د دواړو لورو استازو د تړلو دروازو تر شا خبرې اترې کوي.
نیویارک ټایمز لیکي چې امریکا او طالبان له افغانستانه د امریکايي سرتېرو د وتلو د چوکاټ په اړه او همدارنګه دا چې افغانستان د نورو هېوادونو لپاره ګواښ نه وي سره هوکړې ته رسېدلي، خو د دغو هوکړو جزییات او همدارنګه د دواړو لورو ترمنځ د ترهګرۍ تعرف څرنګوالي دغه خبرې اترې دومره اوږدې کړې دي.
د امریکا او طالبانو ترمنځ د مخامخ خبرو اترو پنځم پړاو د کب میاشتې په شپږمه د قطر په پلازمېنه دوحه کې پيل شوې دي.