د شپني خبرونه
له طلوع نیوز څخه په ګټې اخیستنې سره رامنځه ته شو
د لمر د ۷ بجو خبرونه، ۱۳۹۸ د وږي ۲۸مه نېټه
پخوانی ولسمشر، حامد کرزی نن(پنجشنبې د وږي په ۲۸مه نېټه) خبریالانو ته په خبرو کې د طالبانو او امریکا متحده ایالاتو ترمنځ د سولې خبرو د بیا پیل غوښتونکی شو.
د ښاغلي کرزی په خبره د امریکا او طالبانو ترمنځ خبرې باید رڼې او روښانه وي.
هغه طالبان وروڼه بولي او وايي طالبان په هماغه اندازه چې له امریکا سره پر خبرو ټينګار کوي باید چې له افغانانو سره هم خبرې پیل کړي.
کرزی وايي روسیه، چین او آلمان او د افغانستان ګاونډي هېوادونه باید د افغانستان د سولې خبرې له سره پیل کړي.