افغان روبوټ جوړونکې نجونې د هالنډ په امسټردام ښار کې د مصنوعي هوښ په نړیوالۍ غونډه کې له تود هرکلي سره مخې شوې.
په دغې غونډه کې د نړۍ څه باندې ۱۰۰ څېړونکو،پوهانو او د مصنوعي هوښ مخترعو د دوه ورځو لپاره ګډون کړی دی.
په دغې غونډه کې هغه روبوټ هم نندارې ته کېښودل شو چې افغان نجونو جوړ کړی وه.
فاطمه قادریان یوه افغان روبوټ جوړونکې افغانه چې کابو دوه میاشتې مخکې د هرات پر یوه جومات د داعش ډلې د برید په پایله کې شهید شو، د هغه غم سربېره چې لره یې، په دغې غونډه کې وینا وکړه او هیلو ته د رسېدو لپاره د خپل پلار له ملاتړ څخه یې یادونه وکړه.
هغې وویل چې هغوی په امریکا کې په یوې نړیوالۍ سیالۍ کې له ګډون څخه وروسته د ملاټر له اخیستو او هېواد ته د ویاړ تر لاسه کولو څخه وروسته هېواد ته ستانه شول او وتوانېدل چې د ښځو په اړه د ځينو کورنیو لیدلوری هم بدل کړي.