د افغانستان د فوټسال له شلو کلونو کم عمره ملي لوبډله د اسیا اتلولیو سیالیو کې دویم مقام خپل کړ.
د دغو سیالیو په پای لوبه کې چې د افغانستان او جاپان ترمنځ نن د ایران په تبریز ښار کې ترسره شوه جاپان وتوانېد چې درې پر یو افغانستان ته ماتې ورکړي او د دغو سیالیو اتلولي خپله کړي.
دا لومړی ځل دی چې افغانستان په دغو سیالیو کې دویم مقام خپلوي.
افغانستان په خپلو مخکنیو لوبو کې اندونیزیا او ټایلنډ ته ماته ورکړې او د دغو سیالیو پای لوبې ته لاره وموندله.
د ایران د فوټسال ملي لوبډله د نهو ګلونو په وهلو سره د دغو سیالیو درېیم مقام خپل کړ.