د افغانستان او قزاقستان ملي اولمپيک کمېټو د شنبې په ورځ (د کب په ۱۱مه) د اسیا اولمپیک عمومي شورا د اته دېرشمې غونډې په څنډه کې د همکارۍ هوکړه لیک لاسلیک کړ.
د دغه هوکړه لیک پر بنسټ، ټاکل شوې چې د دواړو هېوادونو د اولمپیک کمېټې د روزونکو او د سپورټ مدیرانو د روزنې، د لوبغاړو او روزنکو لپاره د روزنیز ورکشاپونو، د مربیانو ادلون بدلون او په ملي او نړیوالو سیالیو کې د بېلابېلو سپورټي څانګو لوبغاړو ګډون په هکله همکاري وکړي.
د اسیا اولمپیک د عمومي شورا اته دېرشمه غونډه، د شنبې په ورځ د تایلنډ د ملي اولمپيک کمېټې په کوربتوب ترسره شوه.
د اسیا المپيک شورا په ۱۹۵۱ کال کې رامنځته شو. افغانستان د دغې شورا یو له بنسټ اېښودونکو څخه دی.
په دې اړه مو اندونه