د توپان هریردو او شاهین اسمايي لوبډلو مشران وايي دوی به سبا (پنجشنبه، د لړم درېیمه) پایلوبه پیل کړي.
د فوټبال د غوره لیګ دغه پایلوبې به له لمر او طلوع تلویزونونو او ارمان او اراکوزیا راډیوګانو نه په ژوندۍ بڼه خپره شي.
د شاهین اسمايي لوبډلمشر سید محمد هاشمي رسنیو ته وویل: «موږ تیار یو، له نېکه مرغه هیڅ زخمي هم نه لرو، موږ د بریا لپاره میدان ته ځو، ان شاءالله چې وکولی شو اتلولي ډېره کړو.»
د توپان هریرود لوبډلمشر نوید نادم وايي: «موږ د نویو فني کادرونو څښتن شوو، دې له موږ سره ډېره مرسته کړې ده، او د فصل په اوږدو کې اخیستو پایلو ته په کتو، ان شاءالله چې میدان به ګټو.»
دا د فوټبال غوره لیګ په اووم پړاو کې د دوو لوبډلو څلورم ځل مخامخېدل دي.