د افغانستان فوټبال غوره لیګ سیالیو اووم پړاو سیالۍ د روانې لمریزې میاشتې په ۱۵مه کابل کې پیلږي.
د یاد لیګ د مسوؤلینو په خبره دا لیګ د مالي ستونزو له کبله د څه مودې لپاره وځنډول شو.
د افغانستان د فوټبال فدراسیون سکرتر جنرال، سید علي رضا آغازاده وايي د دې لیګ لګښت به د افغانستان د فټبال فدراسیون او غوره لیګ لخوا ورکړل شي.
به دې سره په غوره لیګ کې ګډون کوونکو لوبډلو خپل تمرینونه پيل کړي دي.
د سیالیو په پیل کې ټاکل شوې ده چې د شاهین آسمايي لوبډله له موج هاي آبي سره لوبه وکړي.
همداراز د سیالیو ډله ییزو لوبو قرعه کشۍ مراسم نن(دوشنبې د تلې په ۸ مه نېټه) ترسره شول او اتو لوبډلو خپل سیالان وپېژندل.
له دې سره د کابل زون لوبډله او د غوره لیګ شپږم پړاو اتل، شاهین اسمايي به په لومړۍ ډله کې د سپینغر بازان، د اباسین څپی او موجهای آمو سره په ډله کې راغی.
دوهمه ډله کې عقابان هندوکش چې د مرکز د زون استازې لوبډله ده، د میوند اتلان، طوفان هریرود او سیمرغ البرز راغلې.
ټاکل شوې ده چې سږ کال د غوره لیګ ټولې سیالۍ د شپې لخوا ترسره شي.