د کریکټ نړیوالې شورا د هېواد کریکټ لوبغاړی، راشد خان د نړۍ یو ورځنیو لوبو غوره لوبغاړی اعلان کړ.
د آسیا جام سیالیو کې د راشد ښه ځلېدو له کبله، یادې شورا یکشنبې(د تلې په ۸مه نېټه) راشد خان د نړۍ یوه ورځنیو لوبو غوره الرونډر په توګه اعلان کړی. راشد خان اوس د نړۍ غوره الرونډرانو د نوملړ په سر کې ځای لري.
راشد خان په داسې حال کې د نړۍ پنځوس اورېزو لورو کې د نړۍ غوره الرونډر لقب خپلوي چې هغه په شل اوریزو لوبو کې د نړۍ د غوره توپ اچوونکو نوملړ په سر کې وو.
د یادونې وړ ده چې د نړۍ الرونډرانو په نوي نوملړ کې شکیب الحسن دوهم او نبي عسی خېل درېیم ځای لري.