د پاکستان په کوټه ښار کې د ماین په چاودنه کې څلور پولیس وژل شوي دي.
پاکستاني چارواکي وايي چاودنه (دوشنبې د غويي په ۲۳مه نېټه) د پاکستان بلوڅستان ښار په مرکز کوټه کې شوې ده.
دا چارواکي زیاتوي چې په دې پېښه کې د دوو ملکي کسانو په ګډون نهه تنه ټپیان دي.
په کوټه کې پولیس واويي چاودنه هغه مهال شوې ده چې د پولیسو د سورلۍ موټر د جومات پر لور روان وو.
د دې برید مسوولیت د پاکستاني طالبانو تحریک منلی دی.
دا په داسې حال کې ده چې (چهارشنبې د غويي په ۱۸مه نېټه) په لاهور کې د صوفي په نامه یوه زیارت ته څېرمه د چاودنې له کبله ۸ کسان وژل شوي او کابو اته ویشت تنه ټپيان شوي وو.
په لاهور کې د پولیسو چارواکو ویلي وو چې د چاودنې موخه د پولیس ځواکونه وو.