سعودي عربستان، د لومړي ځل لپاره په دغه هېواد کې ښځو ته اجازه ورکړه چې د نرینه له شتون پرته کولای شي له هېواده بهر سفر وکړي.
د سعودي عربستان د یوه نوي قانون پر بنسټ، هغه ښځې چې عمر یې ۲۱ کاله وي کولای شي د سړیو په څېر پاسپورټ ترلاسه کړي او له هېواده بهر ته سفر وکړي.
له دې مخکې سعودي عربستان، سینما او سپورټي لوبغالو ته د ښځو تګ ته اجازه ورکړې وه.
د سعودي عربستان وليعهد محمد بن سلمان ویلي چې تر ۲۰۲۳ کال پورې غواړي د دغه هېواد اقتصاد ته وده ورکړي او په دې اړه د دغه هېواد د ښځو همکارۍ ته اړتیا لري.