په تېرو شپږو میاشتو کې د ۷۳۷مکس۸ بوئینګ دوو الوتکو د نسکورېدو له کبله یو شمېر هېوادونو د دې شرکت د الوتکو الوتنې بندې کړې دي.
له دې ډلې انګلیس، چین، آسترالیا، سویلي افریقا او ارجنتاین لومړني هېوادونو وو چې د یادې الوتکې کارول یې منع کړل.
همداراز له دې پرېکړې وروسته یو شمېر اروپايي هېوادونو ایرلند، آلمان ، ایتالیا، اتریش او هالند هم د ۷۳۷مکس۸ بوئینګ الوتکو الوتنې ودرولې.
امارات، ترکیه، هند او عمان هم له هغو هېوادونو دي چې د د ۷۳۷مکس۸ بوئینګ الوتکو د نه کارونې پرېکړه یې کړې ده.
اوس مهال امریکا او کاناډا دوه هغه هېوادونه دي چې ډېرې د ۷۳۷مکس۸ بوئینګ الوتکو الوتکې کاروي.
له بلې خوا د بوئینګ شرکت په خبرپاڼه کې راغلي دي چې دا شرکت نشي کولی د شته مالوماتو پر اساس د الوتکو د نه کارولو حکم وکړي.
په داسې حال کې چې بوئینګ شرکت هڅه کوي خپلې الوتکې امنې ښکاره کړي، خو دا اوونۍ یې د امریکا بورس بازار کې اسهام ۱۱ سلنه راښکته شوي دي.
دا په اسې حال کې ده چې روانه اوونۍ کې د ایتوپیا دولتي شرکت د ۷۳۷مکس۸ بوئینګ الوتکو چې کنیا ته پر لاره وه نسکوره شوه او ۱۵۷ تنه سورلۍ یې ووژل شوه.