د ننګرهار والي ضیاالحق امرخېل وايي چې د ننګرهار د ګمرک رییس حشمت الله ولي زی او پنځه تنه کارکوونکي یې د فساد په تور نیول شوي دي.
د هغه په وینا، هغوی د لاډېرو څېړو په پار کابل ته لېږدول شوي دي.
دا په داسې حال کې ده چې چې کابو یوه میاشت مخکې درې تنه سناټوران هر یو د فاریاب سناټور محمد انور باشلق، د سرپل سناټور محمد عظیم قویاش او لیاقت الله بابکرخېل په بلخ کې د ۴۰ زره ډالرو د بډو اخیستو په تور ونیول شول.
مشرانو جرګې په مرغومې میاشت کې وویل چې دغه درې تنه د دغې جرګې د اقتصاد کمېسیون غړي دي او همدارنګه د هغه پلاوي غړي وو، چې د بلخ په ځانګړې توګه د دغه ولایت د ګمرک د امنیتي او اقتصادي وضعیت د څېړو لپاره مزارشریف ته سفر کړی وو.