د ورېښمو لارې شرکت له اوبیزو او بادي سرچینو د برېښنا د تولید په برخه کې پانګونه کوي.
د صنعت او سوداګرۍ وزارت ویاند وایي چې، د یاد وزارت سرپرست د ورښمو لارې شرکت له مسوولینو سره په لیدنه کې له یاد شرکته په ملاتړ او همکاریو ټینګار کړی دی.
اوبه او بادونه د انرژۍ د تولید مهمې سرچینې دي او د لومړۍ نړۍ ډېری هېوادونه ډېره انرژي له همدې دوو سرچینو ترلاسه کوي.
افغانستان سره له دې چې، د اوبو او بادونو ډېرې سرچینې لري؛ خو بیا هم په دې برخو کې چندانې پانګونې نه دي شوي.
د صنعت او سوداګرۍ وزارت سرپرست، اخندزاده عبدالسلام جواد په دې اړه وویل: «د صنعت او سوداګرۍ وزارت سرپرست د ورېښمو لارې شرکت له مسوولینو سره په لیدنه کې خپل هر اړخیزه ملاتړ غوښتنه کړې، د یادونې وړ ده چې دغه شرکت د قزاق-افغان پانګوالو ګډ شرکت دی.»
د اقتصادي چارو ځینې شنونکي د افغانستان د ځانبساینې لپاره پر انرژۍ برخې پانګونې مهمې ګڼي.
د اقتصادي چارو شنونکي، محمد نبی افغان وویل: «په تېرو څه باندې دوه کلونو کې ډېری بهرني پانګوال افغانستان ته راغله او د کانونو، کرنې، اوبو او برېښنا په برخو کې یې د پانګونې لپاره چمتووالی ښودلی، که چېري بندیزونه لېرې شي په لنډ وخت کې به په سیمه کې ځای ونیسو.»
تر دې وړاندې د اوبو او انرژۍ وزارت هم د انرژۍ په برخه کې د پانګونو د جلب په موخه یوه کمېټه جوړه کړې وه چې په خبره یې لا تر اوسه پر انرژۍ شاوخوا ۱۰۰ میلیونه ډالره پانګه جذب شوې ده.
په دې اړه مو اندونه