د ټاکیزو شکایتونو د کمېسیون مرستیاله حمیرا حقمل، د دغه کمېسیون مشر او دوه نور غړي د ولسي جرګې او ولسوالیو شوراګانو د ټاکنو پر ګډوډولو تورن وي.
اغلې حقمل وايي چې د ټاکنیزو شکایتونو د کمېسیون د پنځو تنو ګوښه کول د ټاکنو د ویجاړۍ لپاره یوه سیاسي توطیه ده.
د ټاکنیزو شکایتونو په کمېسیون کې د رییس او د هغه د مرستیالې تر اختلافونو وروسته دغه بنسټ د خپلو اختلافونو د هوارۍ په موخه لویې څارنوالۍ ته مراجعه کړې ده.
مېرمن حقمل وایي چې د دغې ستونزې د حل لپاره اوس یې لویې څارنوالۍ او ولسمشرۍ ماڼې ۱۰ پاڼیز لیک استولی دی.
د ټاکنیزو شکایتونو کمېسیون مرستیاله حمیرا حقمل وویل:«ما د هغوی دغه پرېکړه رد کړه، خو هغه پولي واکونه یې چې ما ته راغلي وو او د مالي او اداري رییس او د رارالانشا رییس واکونه یې واخیستل، ترڅو د دغو کارکوونکو امتیازات بېرته ورکړي.»
د ټاکنیزو شکایتونو په کمېسیون کې دغه اختلافونه پر ټاکنو د څار بنسټونو لخوا مدیریتي کمزورتیا بلل کېږي.
د افغانستان د ازادو او عادلانه ټاکنو بنسټ رییس یوسف رشید په دې اړه څرګنده کړه:«کله چې یو رییس او مرستال ونه شي کړلای د ۵ تنو کارکوونکو ستونزې حل کړي او طرف هم واقع نهشي، دا څرګندوي چې مشري کمزورې ده، نو هغوی به ټاکنیز شکایتونه او پېښې څه ډول حل کړي؟»
لویې څارنوالۍ ته د ټاکنیزو شکایتونو د کمېسیون د مرستیالې په لیک کې د پنځو کارکوونکو د لیرې کېدو په تړاو د دغه کمېسیون د رییس کار د قانون خلاف بلل شوی خو عبدالعزیز اریایې په دې اړه له خبرو ډډه کوي.