د ولسمشرۍ ماڼۍ او اجرائیه ریاست ویاندویان وايي چې د دواړو مشرانو د نه لیدو لامل د رخصتیو ورځې دي خو نن او یا سبا به سره وګوري، ټاکل شوې وه چې ولسمشر او اجرائیه رئیس د تېرې جمعې او یا نن شنبه ( د زمري۳۰مه) ترسره شي خو دا لېدنه لاهم ځنډېدلې ده.
په داسې حال کې چې د خپلواکۍ له ورځې یوه ورځ مخکې دا لیدنې وروستۍ شوې وه، خو اوسمهاال اجرائیه ریاست د دغو خبرو ځنډیدل د رخصتیو راتګ بولي.
د اجرائیه ریاست ویاند، مجیبالرحمان رحیمي وايي:"زموږ نړیوال دوستان هم دې حالت په اړه اندېښنه لري، اجرائیه رئیس تل ورسره په اړیکه کې دی/ د بروکسل ناستې په اړه چې نېږدې ده او د امنیتي حالت په اړه. چې دا پر حالت منفي اغېژ ونکړي. غږونه د حالت خرابوالي لپاره نه دي بلکې د اصلاحاتو لپاره دي."
د ملي یووالي د سیاسي هوکړې په عملي کیدو د څار عالي کمیسیون دا اختلافونه په ځینو مهمو پوستونو د یوشمېر کسانو د ګمارلو او د ملي یووالي حکومت د هوکړې د نه عملي کېدو له امله بولي.
د ملي یووالي د سیاسي هوکړې په عملي کیدو د څار عالي کمیسیون رئیس، محمد ناطقي څرګندوي:"دا ستونزه یوازې سیاسي هوکړې عملي کول هوارولی شي."
په همدې حال کې، د ولسمشر یوشمېر نېږدې کسان د اجرائیه رئیس او ولسمشر ترمنځ اختلافونه مهم نه بولي.
د ولسي جرګې غړی، ګل پاچا مجیدي وايي:"ستونزه ډېره جدي نه ده، پر ملي موضوعاتو نه ده یوازې د اصلاحاتو او لویې جرګې دوه موضوعات دي چې دا د ولسمشر ستونزه نه ده. د امنیتي حالت له امله ده."
د سیاسي هوکړې عملي کیدل، د حکومتوالۍ څرنګوالی، له وزیرانو سره د اجرائیه رئیس او ولسمشر د چلند یوشانوالی، په بهرني او کورني سیاست کې د دواړو مشرانو اغېز، د ټاکنیزو سموونو ترسره کېدل، په یوشان د صلاحیتونو وېش، په مالي او اداري برخه کې د اجرائیه رئیس صلاحیتونه، د حکومت په سترو پریکړو کې د عبدالله شتون، د ولسمشر د ځینو سلاکارانو د سلاحیتونو څرنګوالی او ټاکنې له هغو موضوع ګانو دي چې اجرائیه رئیس هغه د چهارشنبې پر ورځ په لومړۍ غونډه کې ولسمشر ته وړاندې کړې.
په دې اړه مو اندونه