حماس ډلې د شنبې پر ورځ اعلان وکړ چمتو دي چې له خپل ټول قوت سره د اسراییلو د ځمکنیو بریدونو پر وړاندې وجنګېږي.
حماس چې اوس مهال د غزې اداره کول په غاړه لري، ویلي چې پر غزې د اسراییلو تر ځمکنیو بریدونو وروسته یې پوځیانو د اسراییلي ځواکونو سره نښته کړې ده.
دا په داسې حال کې ده چې د اسراییلي ځواکونو یوه ویاند، د جمعې پر ورځ ویلي چې پر غزې د هوایي بریدنو تر څنګ یې ځمکني بریدونه هم د پراخېدو په حال کې دي.
هغه زیاته کړې چې تونلونه او د ځمکې لاندې ځایونه هم د اسراییلو په هوایي بریدونو کې په نښه شوي دي.
د فلسطین د سرې میاشتې د ټولنې مسوولان وایي چې، د شنبې پر ورځ، انټرنېټي او ټلېفوڼي چوپړتیاوې د دولسو ساعتونو لپاره پرې شوې وې.
بل خوا، د ملګرو ملتونو عمومي اسامبلۍ جمعه د شپې، د یوه پرېکړه لیک له تصویب کولو سره، په غزه کې د بېړني اوربند او د ملکیانو د خوندیتوب غوښتنه وکړه.
د دغه پرېکړه لیک مسوده چې د اردن له خوا وړاندې شوې وه، په ۱۲۰ مثبتو، ۱۴ منفي او ۴۵ ممتنع رایو سره تصویب شوه.
په دې اړه مو اندونه