د فلسطین د روغتیایي چارواکو د مالوماتو له مخې، د کرسمس (نوي کال) نمانځلو پرمهال د غزې په مرکزي سیمه «مغازي» کې د اسراییلي ځواکونو د هوایي بریدونو له امله لږ تر لږه ۷۸ تنه فلسطیني وګړي وژل شوي چې ډېری یې ښځې او ماشومان دي.
د رویټرز خبري اژانس راپور ورکړی چې د نړۍ د کاټولیکانو مشر پاپ فرانسیس د فلسطین په مقدسه ځمکه د روانې جګړې په اړه خواشیني څرګنده کړې.
د فلسطین د سرې میاشتې مسوولینو ویلي چې اسراییلي ځواکونو ټپیانو ته د مرستو د مخنیوي لپاره مغازي سیمې ته پر غځېدلو سړکونو هم بریدونه وکړل.
حماس د اسراییلو هغه تورونه ردوي چې وایي په ګڼمېشتو سیمو کې فعالیت کوي او یا له ملکي خلکو څخه د انساني سپر په توګه کار اخلي.
له بلې خوا، د غزې په سویل خان یونس ښار کې هم د اسراییلو په یوه جلا هوایي برید کې ۸ فلسطینیان وژل شوي دي.
په دې اړه مو اندونه