وروستي خبرونه
تصویر بندانگشتی
افغانستان

د مشرانو جرګې پخوانی سلاکار دلاور په ضمانت له زندانه ازاد کړل شو

د مشرانو جرګې پخوانی سلاکار نجیب الله دلاور چې کابو درې میاشتې مخکې د کورنیو چارو وزارت له خوا د اسنادو او وسایطو د جعل، د ناقانونه وسلو د لېږد او له ترهګرو ډلو سره د اړیکو په تور، له څو تنو سره چې پاکستانیان هم په کې وو زنداني شوی و، ازاد کړل شو.

لویه څارنوالي وايي د ملي امنیت د عمومي ریاست د څېړنو له مخې چې لویې څارنوالۍ ته رسېدلي، نجیب دلاور له ترهګرو ډلو سره هېڅ تړاو نه لري او په ضمانت خوشی شوی دی.

د لویې څارنوالۍ ویاند جمشېد رسولي په دې اړه څرګنده کړه:«هغه تورونه چې مخکې د رسنیو لخوا ویل کېدل او ستاسو په پوښتنو کې شامل وو؛ لکه له مخالفینو او دښمن سره د اړیکې لرل، له هېوادونو سره د اړیکو لرل، د ملي امنیت د څېړنو په لړ کې په دې اړه څه ترلاسه نه شول. یوازې هغه تور چې په دغه کس پورې کېدای شي، یوازې د یوه موټر پلېټ بل موټر ته دی.»

په داسې حال کې چې د کورنیو چارو وزارت د لویې څارنوالۍ او د ملي امنیت د عمومي ریاست د څېړنو د څرنګوالي په اړه څه نه وايي خو ټینګار کوي نجیب دلاور یې له یو کال کشفي پلټنو وروسته نیولی و.

په ورته وخت کې د چارو ځينې کارپوهان وايي چې حکومت له داسې سیاسي دوسیو سره، سیاسي چلند کوي.

د سیاسي چارو کارپوه رحمت الله بېژن پور وویل:«څارنوالۍ ته ویل شوي چې ازاد یې کړئ! په خپلمنځي مشورو کې ویل شوي چې ازاد یې کړئ که‎چېرې «هغه» طالب او یا هم غیر طالب هر څه چې دی؛ مسله د هوکړې پر سر ده چې هغه ترسره کوي.»

له دې سره سره یو شمېر حقوق پوهان وايي باید کشفي، عدلي او قضایي ادارې د خپلو کړنو په اړه خلکو ته په رڼه توګه مالومات ورکړي.

حقوق پوه آرش شهیرپور وايي:« په لومړي سر کې ډېر په جدیت سره مطرح شوه او داسې یې ښودله چې دلته د افغانستان د ملي ګټو په برخه کې یو ډېر ستر جنایت ترسره شوی او دوی ونیول شول. خو له بده مرغه دا ډول کړنې (ازادول) د دې ښودنه کوي چې حکومت او د جزايي عدالت بنسټ د دا ډول سترو پېښو د څېړنو په برخه کې پاتې راغلی دی.»

له دې سره سره د ملي شورا غړي او همداراز یو شمېر سیاستوالان، کشفي، استخباراتي او همداراز عدلي او قضايي بنسټونه د دوسیو په څېړلو کې په سیاسي چلند تورنوي. 

افغانستان

د مشرانو جرګې پخوانی سلاکار دلاور په ضمانت له زندانه ازاد کړل شو

لویه څارنوالي وايي د ملي امنیت د عمومي ریاست د څېړنو له مخې چې لویې څارنوالۍ ته رسېدلي، نجیب دلاور له ترهګرو ډلو سره هېڅ تړاو نه لري او په ضمانت خوشی شوی دی.

تصویر بندانگشتی

د مشرانو جرګې پخوانی سلاکار نجیب الله دلاور چې کابو درې میاشتې مخکې د کورنیو چارو وزارت له خوا د اسنادو او وسایطو د جعل، د ناقانونه وسلو د لېږد او له ترهګرو ډلو سره د اړیکو په تور، له څو تنو سره چې پاکستانیان هم په کې وو زنداني شوی و، ازاد کړل شو.

لویه څارنوالي وايي د ملي امنیت د عمومي ریاست د څېړنو له مخې چې لویې څارنوالۍ ته رسېدلي، نجیب دلاور له ترهګرو ډلو سره هېڅ تړاو نه لري او په ضمانت خوشی شوی دی.

د لویې څارنوالۍ ویاند جمشېد رسولي په دې اړه څرګنده کړه:«هغه تورونه چې مخکې د رسنیو لخوا ویل کېدل او ستاسو په پوښتنو کې شامل وو؛ لکه له مخالفینو او دښمن سره د اړیکې لرل، له هېوادونو سره د اړیکو لرل، د ملي امنیت د څېړنو په لړ کې په دې اړه څه ترلاسه نه شول. یوازې هغه تور چې په دغه کس پورې کېدای شي، یوازې د یوه موټر پلېټ بل موټر ته دی.»

په داسې حال کې چې د کورنیو چارو وزارت د لویې څارنوالۍ او د ملي امنیت د عمومي ریاست د څېړنو د څرنګوالي په اړه څه نه وايي خو ټینګار کوي نجیب دلاور یې له یو کال کشفي پلټنو وروسته نیولی و.

په ورته وخت کې د چارو ځينې کارپوهان وايي چې حکومت له داسې سیاسي دوسیو سره، سیاسي چلند کوي.

د سیاسي چارو کارپوه رحمت الله بېژن پور وویل:«څارنوالۍ ته ویل شوي چې ازاد یې کړئ! په خپلمنځي مشورو کې ویل شوي چې ازاد یې کړئ که‎چېرې «هغه» طالب او یا هم غیر طالب هر څه چې دی؛ مسله د هوکړې پر سر ده چې هغه ترسره کوي.»

له دې سره سره یو شمېر حقوق پوهان وايي باید کشفي، عدلي او قضایي ادارې د خپلو کړنو په اړه خلکو ته په رڼه توګه مالومات ورکړي.

حقوق پوه آرش شهیرپور وايي:« په لومړي سر کې ډېر په جدیت سره مطرح شوه او داسې یې ښودله چې دلته د افغانستان د ملي ګټو په برخه کې یو ډېر ستر جنایت ترسره شوی او دوی ونیول شول. خو له بده مرغه دا ډول کړنې (ازادول) د دې ښودنه کوي چې حکومت او د جزايي عدالت بنسټ د دا ډول سترو پېښو د څېړنو په برخه کې پاتې راغلی دی.»

له دې سره سره د ملي شورا غړي او همداراز یو شمېر سیاستوالان، کشفي، استخباراتي او همداراز عدلي او قضايي بنسټونه د دوسیو په څېړلو کې په سیاسي چلند تورنوي. 

شریک یي کړئ